НОВИ САД – У найновшим, 47 чишлє новинох „Руске слово” анатомию нашого часу пише Александар Паланчанин о попису жительства и хаснованю меншинских правох. На Тижньовнїку текст о початку виборней настави руского язика у Суботици и святочней схадзки з нагоди першей годзини.
На рубрики Нашо места тексти o проблему напущених псох у Руским Керестуре, хторих єст вше вецей, дньох диябетесу, наградох хтори после конкусру библиотека у Вербаше подзелєла дзецом.
На бокох Економиї напис о єшенских искуствох о садзеню цвикли, туристична аґенция зоз Вербасу була на медзинародним сайме у Краґуєвцу, Одбор за польопривреду, лєсарство и водопривреду наявел же плановани субвенциї за 2025. рок 111,4 милиярди динари.
На бокох Духовни живот текст о нових менованьох у нашей грекокатолїцкей епархиї, и текст о визитациї наших манастирох ґенералней настоятельки ш. Софиї Лебедович. На бокох Култура и просвита тексти о манифестациї Костельникова єшень у шицких наших местох и о рочним концерту КПД „Дюра Киш” у Шидзе.
На бокох Людзе, роки, живот напис о Якимови Киметови Гаргайови з Новго Саду. На бокох Спорту тексти о концу єшенскей часци фодбалского першенства.
Горуци тепши стандардна рубрика пише о карфиоловей мусаки, а додаток Дом и фамелия.