НОВИ САД – У новим, 30. числу новинох „Руске слово” у рубрики Тижньовнїк мож пречитац о розписаним конкурсу за директора НВУ „Руске слово”.
На рубрики Нашо места пише о „Водова фесту”, док на бокох Економиї мож пречитац о африцкей чуми швиньох, як и о грозну и бостану.
У рубрики Людзе, роки, живот стретнуце зоз Милену Петко зоз Шиду.
На бокох Култури и просвити зазначене госцованє наших танцошох на Фестивалу у Ждинї у Польскей, док на рубрики Дружтво мож пречитац о кнїжки „Як гуторя дїдове, швет бул давно иншаки” у предлуженьох.
Духовни живот пише о розгварки зоз вироучительку Ксению Бесерминї, док на рубрики Спорт мож пречитац о тренинґох зоз Славицу Проле зоз Ґосподїнцох, як и закончуюцей часци змаганя на Ноцним турниру у малим фодбалу у Руским Керестуре.
Додатки у тим чишлє Дом и фамелия, а рубрика Горуци тепши понука нови рецепти.