СРИМСКА МИТРОВИЦА/БЕОҐРАД – Квитна нєдзеля шветочно преславена, 5. априла и у грекокатолїцкей парохиї Вознесеня Господнього у Сримскей Митровици. На Службу Божу у Митровици пришло вельке число парохиянох, котри до своїх домох однєсли и пошвецени багнїтки. Службу Божу служел парох сримскомитровицки о. Иґор Вовк.
Служба Божа на Квитну нєдзелю у Беоґрадзе нє була, алє на соботу 11. априла на 16 годзин будзе служена Воскресна утриня, и Служба Божа з пошвецаньом паскох у Грекокатолїцкей каплїци св. Кирила и Методия у Беоґрадзе, у Крунскей 23.