РУСКИ КЕРЕСТУР – Младши катеґориї Фодбалского клуба Русин, всоботу, 11. априла на Ярашу у Руским Керестуре одбавели три пририхтуюци стретнуца процив екипох ФК Оджак, ФК Искра зоз Коцура и ФК Кривань зоз Селенчи, дзе у двох стретнуцох екипа Русина победзела, док у єдним стретнуцу страцела.
На тих стретнуцох бавели дзеци хтори ходза до другей, трецей и штвартей класи основней школи.
1. ФК „Русин” 2017 – ФК „Кривань” 2017 – 8:2;
2. ФК „Русин” 2016 – ФК „Искра” 2016 – 6:9;
3. ФК „Русин” 2015 – ФК „Оджак” 2015 – 7:1.
Младши катеґориї ФК Русин одбавели и 9. априла, на Ярашу у Руским Керестуре штири пририхтуюци стретнуца процив екипи Червинки, та у вкупним резултату були лєпши, дзе у трох стретнуцох победзели, док у єдним стретнуцу страцели.
1. ФК „Русин” 2017/18 – ФК „Червинка” 2017/18 – 5:2;
2. ФК „Русин” 2016 – ФК „Червинка” 2016 – 0:5;
3. ФК „Русин” 2015 – ФК „Червинка” 2015 – 4:1;
4. ФК „Русин” 2014/13/12 – ФК „Червинка” 2014/13/12 – 4:1.
Екипу Русина на стретнуцох водзели Зденко Шомодї, Денис Югик и Михайло Хома.
