ДЮРДЬОВ – У Велькей сали у Дюрдьове на соботу, 22. априла, на 19 годзин почнє гуманитарни концерт за Ваню Романового.
На концерту буду участвовац школяре класичней ґитари, Дзивоцка шпивцка ґрупа Културно-уметнїцкого дружтва „Тарас Шевченко”, Етно ґрупа „Василис” и Бенд „Врата рая и приятелї”. Програму будзе водзиц комичарка Бояна Момиров.
Шкатула до хторей годно положиц добродзечни прилог будзе стац на уходу до сали, а шицок позберани пенєж будзе уплацени на Ваньов рахунок у рамикох фондациї ,,Будз гумани – Александар Шапич”.