ПЕТРОВЦИ (ГОРВАТСКА) – Внєдзелю, 20. априла у Доме култури отримани традицийни петровски Вельконоцни концерт.
Концерт почал зоз премиєру гумористичней дуодрами Мам я мужу и милого, а улоги одбавели Томислав Рац и Томислав Кетелеш.
На концерту, присутним ше представели солиста Михайло Голик, фолклорна секция КУД Яким Гарди зоз штирома танцами и Хлопска шпивацка ґрупа з даскелїма шпиванками. Публика вецей раз учашнїкох програми потримала з моцним аплаузом, а концерт возвелїчал християнске швето Христового воскресеня.
Орґанизатор концерту бул КУД Яким Гарди Петровци, а финансийно го потримали Совит за национални меншини Републики Горватскей и Општина Боґдановци.
