Венециянска комисия о националних меншинох у України

автор Ол. Папуґа
439 Опатрене

КИЄВ (УКРАЇНА) – Портал Европеан правда штредком юния обявел же Венециянска комисия написала критичну анализу о националних меншинох у України чийо вигласованє була препорука Европскей комисиї же би ше України додзелєло статус кандидата за приключованє до ЕУ.

Фаховци з України дзечнє прилапели закон о националних меншинох зоз препорученями же вон цалком ускладзени зоз медзинароднима стандардами.

Векшина препорукох Венециянскей комисиї одноши ше на хаснованє язика националних меншинох зоз члену 10 того закона. Тота комисия поволує на преширйованє правох националних меншинох, дзе уходзи и утаргованє обовязного прекладаня културних и других случованьох на українски язик. Фаховци зоз Совиту Европи препоручую же би ше знова анализовало обобязки хтори ше дотикаю видаваня кнїжкох на язикох националних меншинох, же би ше потолковало як треба прекладац урядово назви и на транспортних таблох, драгоказох, порученьох хтори ше дава до явносци.

Зауваги ше одноша на ревизию и других законох окреме тих хтори ше одноша на огранїчованє шлєбодох хаснованя меншинского язика и иншакого третману меншинских язикох, дзе учишлєни и приступ явим сервисом, односно програми на меншинских язикох. Тиж препоручене и обовязне образованє на язикох меншинох.

Меншини у України похвалєли факт же Венециянска комисия окончела ревизию українского закона о националних меншинох, спозорююци же муши буц таки яки предвидзую европски и медзинародни стандарди о защити правох меншинох. Тото цо меншини обрадовало то же Веровна рада зоз препоруку Венециянскей комисиї одложела примену чл. 7 українского закона о образованю.

Ревизия українских законох о меншинох поробена на вимогу Надпатраюцого одбору Парламентарней скупштини Совиту Европи.

Тот акт єден од седем препорукох Европскей комисиї хтори Україна треба же би виполнєла кед сце поднєсц вимогу за приманє до Европскей униї.

Венециянска комисия консултативне цело Совиту Европи, хтора помага державом и дава им правну потримовку же би прилагодзели свойо правни системи ґу европским стандардом, людских правох и владаню правох.

ПОВЯЗАНИ ТЕКСТИ