РУСКИ КЕРЕСТУР – Дакедишнї Младежски бал, тераз Наш бал, по шеснасти раз отримани пияток 13. фебруара у ресторану „Три круне“ у Руским Керестуре. Баловали ше коло 140 млади особи, найвецей зоз Руского Керестура, як и їх госци зоз Коцура и Кули.
Томбола була стандардно богата, даєдни зоз главних наградох були бициґла, ґарнитура до заградки, кавч, телевизор и подобне а награди подаровали числени керестурски подприємства и поднїмателє. Окрем томболи, орґанизовани и змаганя за госцох: Рулет танєц и Музични карсцелї, а побиднїки тиж достали награди.
За добру атмосферу и вешелє до позних годзинох задлужени бул керестурски „Касиус бенд“, а ище єден весели и удатни бал за младих орґанизовали Деян Надь, Филип Орос, Иґор Папуґа и Стефан Колошняї.
