НОВИ САД – У Дунайским парку випражнєне озеро пре порядне чисценє.
Роботнїки ЯКП Городске желєнїдло випражнєли озеро у Дунайским парку и вичисцую муль хтори ше назберал на дну, шмеце и осушене лїсце и конари. Озеро ознова будзе наполнєне з воду пошвидко, о даскельо днї.
Коритнявки хтори ше ту находза придати на старанє до Покраїнского заводу за защиту природи. Медзитим, роботнїки Городского желєнїдла гваря же було и рибки, хтори гражданє сами приношели до озерка, а воно наменєне лєм за коритнявки. Роботнїки ЯКП Городске желєнїдло вичисцую озеро кажди три роки з помоцу ЯКП Водовод и канализация, хторе ма опрему за вимульованє.
