Вишла сликовнїца зоз роботну теку „Наша свадзба”

автор Я. Дюранїн
187 Опатрене

НОВИ САД – У виданю НВУ „Руске слово”, а у едициї „Заградка”, тих дньох вишла сликовнїца за дзеци „Наша свадзба”, за хтору материял пририхтала и тексти написала Мая Зазуляк Гарди, а илустрациї пририхтала Аня Заґоричник.

Сликовнїца „Наша свадзба” 11. и 12. кнїжка у едициї „Заградка”, наменєнa є дзецом возросту од штирох до дванац рокох, а вєдно зоз ню обявена и роботна тека.

Опис свадзебних обичайох прилагодзени возросту, а илустрациї приказую одредзени подїї.

Сликовнїца и роботна тека видруковани дзекуюци проєкту „Свадзба у словнїку руского културного идентитету” Буджетского фонду за национални меншини Министерства за людски и меншински права и дружтвени диялоґ.

Тоту едукативну и богато илустровану сликовнїцу мож купиц за 700 динари у представительствох НВУ „Руске слово” – у Новим Садзе на адреси: Футожска 2, ІІІ поверх (од 9 по 14 годзин) телефон 021/6613-697. У Руским Керестуре у будинку дакедишнєй Друкарнї на II поверху и на телефон 025/51-00383 або 025/703-311 (од 9 по 14 годзин), як и прейґ колпортерох по наших местох.

Тиж так, тоту, як и други кнїжки „Руского слова” мож наручиц и прейґ сайту https://knjizkiporuski.com.

ПОВЯЗАНИ ТЕКСТИ