НОВИ САД – Министерство защити животного штредку поволує одвичательних же би реаґовали и у складзе зоз овласценями же би покарали тих хтори спричинєли акцидент на Дунаю.
Министерство сообщело нєшка же резултати лабораторийних анализох квалитету води у Дунаю на профилох Челарево и Нови Сад – Сримска Каменїца, хтори вжати 19. юния, указали же вредносц параметрох за заґадзенє була прейґмирна у шицких шейсцох прикладнїкох, зоз вредносцами хтори таку воду учишлюю до трецей класи.
Тиж так, апелує ше и на привредни субєкти же би у своїм дїлованю почитовали еколоґийни стандарди и предписаня хтори ше одноша на защиту животного штредку, а же кажде нєодвичательне справованє спрам околїска будзе покаране у складзе зоз законом.