З колективним бависком по побиду

автор А. Медєши
304 Опатрене

РУСКИ КЕРЕСТУР – Наймладши русиновци, пияток 17. фебруара, у Спортскей гали у Руским Керестуре отримали фодбалске стретнуце процив своїх парнякох, когуцикох и пионирох, Фодбалского клубу „Искраˮ зоз Коцура, процив хторих два змаганя победзели, у єдним були поражени, а єдно одбавели нєришено.

У першим стретнуцу бавели наймладши, дзеци 1. и 2. класи основней школи, у хторим домашнї страцели од коцурскей Искри, з резултатом 2:0. У тим составе за Русин бавели – Давид Еделински, Лука Зелич, Страхиня Кршич, Стефан Такач, Дориян Попович, Лука Тасич, Марко Еделински, Михайло Шомодї, Алек Малацко и Андрей Надь. Тренер Деян Йолич.

Шлїдуюци наступели дзеци 3. класи, екипа хтора побиди шорує вецей як 5 мешаци, а остатнє пораженє дожили праве од истей екипи з Коцура. У тим составе за Русин бавели – Давид Колошняї, Тони Надь, Даниєл Фейди, Иван Надь, Кристофер Дудаш, Йован Бошкович, Давид Гарди, а зоз нїма бавела и школярка 4. класи Николина Гарди. Тренер бул Зденко Шомодї.

Когуцики 4. класи, процив Искри одбавели нєришено, 3:3, а у тим составе були – Андрей Виславски, Алексей Виславски, Тони Колошняї, Ален Бики, Дарко Еделински, Ерик Русковски, Николина Гарди и Йован Цветичанин. Тренер, Зденко Шомодї.

Найстарши бавяче, дзеци 5. и 6. класи, екипу з Коцура победзели зоз 3:0. Добре додавали лабду, бавели колективно и пожертвовно и то на концу резултовало зоз побиду. Ґоли за тоту екипу дали – Марко Илич, Никола Планчак и Лука Стойков, а наступели и – Алекс Цвайґ, Єлисей Пап, Марко Драґутинович, Тони Орос, Тадей Виславски, Патрик Варґа и Исак Новта. Тренер Зденко Шомодї.

Перше стретнуце судзел управнїк Спортскей гали, Драґан Ковачевич, а шлїдуюци три стретнуца судзел бувши русинов бавяч Янко Планчак Бобек.

ПОВЯЗАНИ ТЕКСТИ