ДЮРДЬОВ – У 20. колу Другей новосадскей лиґи у ярнєй часци першенства, всоботу 4. априла на фодбалским стадиону Радничкого фодбалского клубу Нови Сад у Новим Садзе було стретнуце медзи домашнїм РФК и ФК Бачка 1923.
Стретнуце закончене зоз резултатом 2:2, а ґоли за Бачку дали: у 55. минути нови бавяч у тей полусезони Стефан Максимович и у 87. минути Стефан Деянович.
После того змаганя, ФК Бачка 1923 на таблїчки Другей новосадскей лиґи на штвартим месце зоз 39 бодами и ма исте число бодох як и єден з фаворитох у тей лиґи, ФК Татра зоз Кисачу.
На першим месце и далєй РФК Нови Сад зоз 50 бодами, на другим ФК Бачка зоз Беґечу зоз 43 бодами.
Шлїдуюце стретнуце дюрдьовски фодбалере одбавя на домашнїм терену зоз ФК Татра, на соботу 11. априла на 16:30 годзин.