РУСКИ КЕРЕСТУР – Фодбалски клуб „Русин” орґанизує II жимски ноцни турнир у малим фодбалу хтори почнє 29. новембра у Руским Керестуре у спортскей гали.
Сениоре – Турнир ше будзе бавиц по формату 4+1, а у екипи найвецей може буц приявени 10 бавяче.
Котизация будзе 13 тисячи динари по екипи, а максимално ше годно приявиц 20 екипи.
Ветеранє (35+ роки) – Турнир ше будзе бавиц по формату 5+1, а у екипи найвецей може буц приявени 10 бавяче.
Котизация будзе тиж 13 тисячи динари по екипи, а максимално ше годно приявиц 8 екипи.
Наградни фонд жимского ноцного турнира за сениорох роспоредзени на шлїдуюци способ: побиднїк турнира освої 180 тисячи динари, другопласовани освої 50 тисячи динари, док трецепласована екипа освої 20 тисячи динари.
Кед слово о ветеранох, наградни фонд роспоредзени на шлїдуюци способ: побиднїк турнира освої 25 тисячи динари, другопласовани освої 15 тисячи динари, док трецепласована екипа освої 10 тисячи динари.
Шицки информациї мож достац на числа телефонох: 065/512-02-38 Желько Орос и 065/511-97-79 Иван Чапко.
Орґанизатор ноцного турнира у малим фодбалу ФК Русин.