Министерство младих и спорту отворело штири конкурси за младих

автор ртв
865 Опатрене

БЕОҐРАД – Министерство младих и спорту Републики Сербиї отворелео штири явни конкурси за финансованє и софинансованє програмох и проєктох у обласцох младежского сектору. Придаванє приявох по 19. марец.

Розписани шлїдуюци конкурси: Явни конкурс за потримовку єдинком локалней самоуправи у запровдзованю младежскей политики на локалним уровю, Явни конкурс за програми и проєкти потримовки младим у находзеню роботи, Явни конкурс за програми и проєкти потримовки младим у образованю, воспитаню, безпечносци, здравю и партиципациї и Явни конкурс за розвой и запровадзованє младежскей политики.

На першим конкурсу маю право участвовац локални самоуправи хтори маю канцеларию за младих, а други три конкурси наменєни здруженьом младих, здруженьом за младих и їх союзом реґистрованим на териториї Републики Сербиї.

Здруженя и союзи муша буц уписани до Єдинственей евиденциї здруженьох младих, здруженьох за младих и їх союзох, хтору водзи Министерство младих и спорту.

Прияви на конкрус мож придац у електронскей форми, лєбо по пошти.

Конкурсну документацю з Напрямками за подношительох проєктох за шицки штири конкурси мож найсц на урядовей интернет презентациї Министерства, а мож их достаци и у Министерстве младих и спорту (Беоґрад, Булевар Михайла Пупина 2, треци поверх, канцелария число 311).

Додатни информациї мож достац и на телефон 011 311 33 19, лєбо прейґ електронскей пошти на адресу конкурси.омладинаЖмос.гов.рс.

ПОВЯЗАНИ ТЕКСТИ