РУСКИ КЕРЕСТУР – У рамикох проєкту „Ґлобални климатски пременки у швеце”, керестурску школу нащивели госци зоз Департману за защиту животного штредку зоз Факултету технїчних наукох и отримали викладанє о климатских пременкох.
Слово о проєкту „Ґлобални климатски пременки у швеце” котри орґанизує Амбасада Зєдинєних Америцких Державох и Факултет технїчних наукох Универзитету у Новим Садзе.
Викладали Миодраґ Живанчев, Бояна Зорая и ношитель основного Алумни проєкту Фулбрайт алумниста др Неманя Станисавлєвич.
У идуцим крочаю проєкту, три школярки першей класи ґимназиї на руским язику, Мая Сопка, Андрея Надь и Лора Новакович, вєдно зоз свою професорку хемиї Ясмину Надь и директорку школи Наталию Будински, провадзели викладанє, а потим участвовали и на конференциї на домашнїм Факултету технїчних наукох у Новим Садзе.
Школярки успишно презентовали предклад проєкту керестурскей школи о климатских пременкох у општини Кула под назву „На бициґли за климатски пременки”.
