ДЮРДЬОВ – После павзи од мешац днї, внєдзелю 19. юлия почали пририхтованя першотимцох Фодбалского клуба „Бачка 1923”.
Остатню сезону, 2025/2026 бавели у Другей новосадскей лиґи, а после баражох и доброго бависка на терену, у юлию того року, удало ше им врациц ше до Подручней лиґи Нови Сад.
Тренер и надалєй остава Стеван Вукманович зоз Нового Саду котрому тота сезона будзе друга у тим клубу. За тераз ше планує же ше до екипи приключа и нови бавяче, троме або штирме, прегварки тирваю, а даєдни бавяче зоз Бачки пре роботу у иножемстве або анґажованосц у другим клубу нє буду бавиц вецей за дюрдьовски фодбалски клуб.
За тераз, пред початком новей сезони, заплановани три приятельски стретнуца зоз клубами котри у истим и висшим ранґу. Запланованє стретнуце зоз ФК „Єдинство” зоз Ґосподїнцох, ФК „Милетич” зоз Мошорину, як и зоз ФК „Борац” зоз Шайкашу котре по словох тренера Вукмановича самоинициятивне предбависко пред нову фодбалску сезону. Стретнуце будзе 9. або 10. авґуста.
Нова фодбалска сезона почнє концом авґуста, а перше стренуце будзе 23. авґуста.