ВЕРБАС – Явне комуналне подприємство „Комуналацˮ зоз Вербасу остатнїх дньох зазначело вельо векше трошенє води, а прe високи температури и нєнаменске хаснованє води.
– Системa, затераз, функционує без проблемох, продукция води чече ровномирно и нє маме почежкосци у дистрибуциї. Заш лєм, апелуєме на гражданох же би рационално хасновали воду – гварене у сообщеню подприємства хторе обявене на општинским порталу.
У одношеню на исти период у 2016. року, трошенє води векше аж за 20 одсто, явяю зоз ЯКП „Комуналацˮ.