Вистава ручних роботох КУД „Завичајно врело”

автор злк
802 Опатрене

КОЦУР – У коцурским Оддзелєню библиотеки „Данило Киш” вчера, 8. марца, домашнє КУД „Завичајно врело” оранизовало виставу народного облєчива и ручних роботох, хтори виробели жени з Коцура.

Виставу отворела библиотекарка Весна Пешут, а подпредсидатель КУД „Завичајно врело” Томислав Бомештер привитал госцох и з нагоди 8. марца шицким женом активним у КУД-у уручел квеце и подзекованя.

О вистави, народним облєчиве и їх значеню за Дружтво присутним бешедовал други подпредсидатель КУД Славко Вулин.

Отверанє вистави збогацели рецитациї дзецох з тему Дня женох, а дзеци пририхтала учителька Виолета Рашета.

Вистава ручних роботох и народного облєчива була закончуюца програма у рамикох означованя 70-рочнїци колонизациї до Коцура, а заинтересовани ю годни опатриц по 17. марец у Оддзелєню Библиотеки у Коцуре. 

ПОВЯЗАНИ ТЕКСТИ