РУСКИ КЕРЕСТУР − Обичай облїваня у Руским Керестуре предлужени и того року та вчера, дзекуюци красней хвилї, на Други дзень Велькей ноци, хлапци и леґинє облївали дзивчата и дзивки.По валалє було видно оквецени авта, трактори з прикочами, та и парадни кочи зоз запрагнутима коньми, на хторих хлапци, зоз шпиваньом и музику, ходзели по облїваню.
Нєшка, на Треци дзень Велькей ноци, дзивчата и дзивки облїваю хлапцох и леґиньох. Понеже тирва ярнї розпуст, школярки можу орґанизовац и „врациц” хлапцом тото цо вчера „пожичели”.
