СЕРБИЯ – Припатрацка мисия „Гражданє на стражи” (ЦРТА) надпомина шицким полнолїтним гражданом най преверя чи су уписани до виберацких спискох за наступни предсидательни, як и за локални виберанки у даскелїх општинох. Тиж так, при преверйованю треба обрациц увагу на точносц податкох и вименїц евентуални нєправилносци у виберацким списку.
Увид до виберацких спискох у орґанох локалних самоуправох (дзе и у месних канцеларийох) гражданє можу окончиц по 17. марец, понеже 29. марца виберацки списки за предсидательни виберанки буду заключени.
После того, виправки у виберацким списку годно окончиц єдино у Министерстве за державну управу и локалну самоуправу.
Попри тим, ЦРТА, хтора будзе провадзиц запровадзованє виберанкох, гражданох поволує и же би приявели шицки нєправилносци хтори замеркую у виберанковим процесу.