Дружтву за руски язик донация од Руснацох у дияспори

автор маф
887 Опатрене

РУСКИ КЕРЕСТУР – Представительом Дружтва за руски язик, литературу и културу, Гавриїл Колєсар з Канади вчара, 17. мая, на сходзе у рускокерестурским Оддзелєню Народней библиотеки урядово придал донацию за помоц видавательней дїялносци Дружтва, хтору обезпечели Руснаци у дияспори. Подаровани 1 375 канадски долари, лєбо 113 200 динари.

3-Gabor-02

Як з тей нагоди гварел Гавриїл Колєсар, длугорочни член Дружтва и його дакедишнї предсидатель и секретар (док бул заняти у НВУ „Руске слово”), а котри тераз жиє у Кичинеру у Канади, нєдавно одлучел поволац Русинох по швеце же би даровали пенєж за видавательну дїялносц Дружтва, а же акция була прилапена, шведочи и сума хтору з тей нагоди принєсол до Сербиї. Визначел же ше акциїю планує предлужиц.

Дзекуюци на тей потримовки, секретар Дружтва Ирина Папуґа наглашела вельку значносц тей донациї, з хтору годно видац два-три наслови, поготов же Дружтво барз чежко доходзи до средствох на рижних конкурсох.

3-Gabor-03

ПОВЯЗАНИ ТЕКСТИ