НОВИ САД – Дзекуюци прейґгранїчному сотруднїцтву зоз жупанию Чонґрад у Мадярскей и Европску унию, Покраїнски секретарият за польопривреду достал коло 325 тисячи евра за продукцию желєняви у защиценим просторе.
Пластенїки буду поставени на Институту за польодїлство и заградкарство Нови Сад и у трох штреднїх польопривредних школох – у Футоґу, Руми и Вершцу.
Проєкт „Иновация польопривреди за обезпечованє росту и занятосци у прейґгранїчним реґиону” финансує ше у рамикох ИПА прейґгранїчней програми Мадярска-Сербия.
Цали проєкт наменєни едукациї польопривреднїкох же би ше цо лєпше вихасновало обрабяцу жем. Наменєни є мотивациї и едукациї младих же би ше почали занїмац зоз польопривредну продукцию.