РУСКИ КЕРЕСТУР – Керестурска парохия св. Оца Миколая нєшка означела нєзаповедане швето Макавейских мученїкох – Маковея, як спомин на мученїческу шмерц седем Макавейских братох и їх мацер хтори свойо животи дали за виру.
Раншу Службу Божу служели парох о. Михайло Малацко и капелан о. Владимир Медєши, хтори на концу окончели обряд пошвецаня води. З тоту воду парох о. Малацко пошвецел воду у канчовох з квецом хтору з дому принєсли парохиянки, а пошвецел и храм и присутних.
Церква препоручує тоту воду хасновац за рижни духовни и тїлесни потреби.