Информациї о порцийних обoвязкох прейґ веб апликациї

автор мар
1.1k Опатрене

КУЛА − На интернет боку Општини Кула www.kula.rs поставена веб апликация, з котру порцийни обовязнїки можу достац информациї о своїх порцийних обовязкох, а мож поднєсц и порцийну прияву за порцийни форми котри у инґеренциї локалней самоуправи.

Без одходу до Општинскей управи, на мению Е-УПРАВА, у подмению МОЯ ПОРЦИЯ мож пренайсц упутство за реґистрацию и подношенє вимоги за доставанє власного налогу и лозинки. За креиранє налогу потребни два днї, а тоти податки ше пребера особнє у општини, за цо треба почекац обвисценє.

Оддзелєнє Локалней порцийней администрациї поволало гражданох општини Кула же би вихасновали тоту можлївосц. Шицки подробнєйши информациї мож достац на телефонске число 025/751-163, лєбо особнє у Општинскей управи Кула на Оддзелєню за утвердзованє и наплацованє жридлових приходох општини, у Услужним центру на шалтерох 6 и 7.

ПОВЯЗАНИ ТЕКСТИ