ВОЙВОДИНА – До основних и штреднїх школох, нєшка рано, 9. октобра, сцигли дояви же подложена бомба у будинку, пренєсли медиї.
Окрем у Новим Садзе и Беоґрадзе дояви сцигли и до других местох а тиж и до школи у Руским Керестуре.
У Школи Петро Кузмяк школяре и заняти евакуовани по плану евакуациї накадзи сцигла доява и були на безпечним месце док нє сцигла полицийна екипа, а дополадньова змена пущена дому. Школу ше препатра, а чи пополадньова змена будзе мац наставу будзе познате док полицийна екипа препатри будинок школи.