РУСКИ КЕРЕСТУР – У Велькей виронаучней сали, всоботу 10. октобра отримани традицийни Бал за старших, котри бул крашнє нащивени, а попри Керестурцох, були и госци з коцурского Каритасу.
Бал орґанизовани з нагоди октобра – мешаца старших особох, а орґанизовали го наймладши и млади волонтере парохийного Каритасу зоз координаторку Клару Катрина. Шицких привитал парох керестурски о. Владислав Варґа и наглашел яка важна орґанизована любов цо заправо Каритас, и медзисобна помоц и медзиґенерацийне друженє.
Балованє було зоз живу музику котру обезпечела парохия, и сланим и сладким почасценьом цо го пририхтали учашнїци балу и домашнї и госцински хтори принєсли и два торти. Орґанизаторе, волонтере Каритасу, обезпечели сладку и слану закуску, музику котра шицких розвешелєла.
