РУСКИ КЕРЕСТУР – За школярох Основней и штреднєй школи зоз домом школярох Петро Кузмяк у Руским Керестуре, штварток, 8. октобра, у лєшику бул отримани єшеньски крос.
На кросу бежали коло 466 дзеци, од хторих 300 зоз основней школи и коло 166 школяре штреднєй школи з обидвох напрямох.
Перше бежали школяре од першей по штварту класу, потим штредньошколци, а на концу и школяре од пиятей по осму класу.
На преглашованю побиднїкиох, школяре основней школи достали дипломи за перши пейц места, док штредньошколцом додзелєни дипломи за перши три места, а шицки наградзени достали и симболични награди.
Отримованє кросу орґанизовали члени Активу физичного и здравственого воспитаня – Саня Еделински и Соня Чапко, а дражку за бежанє покошело и пририхтало домашнє Явне комуналне подприємтво Руском.
