ВЕРБАС – Министер польопривреди и защити животного штредку Бранислав Недимович штварток, 9. марца нащивел општину Вербас и з тей нагоди бешедовал з численима польопривреднїками о аґрарней политики у 2017. року.
Польопривреднїкох окреме интересовали субвенциї од Министерства польопривреди, алє и цена горива. Тиж вельо бешедоване о даваню державней жеми под аренду, а парасти як найвекши проблем визначели право першенства статкарох на аренду, у одношеню на примарних польопривреднїкох.
– Министерство принєсло конкретни ришеня же бизме запровадзели добру систему и же би ше тот поступок окончовало без проблемох, а у мирох аґрарней политики и зменшованє першенства статкарох при арендованю, як и вигодносци хтори парасти можу мац од держави – гварел Недимович.
На розгварки министра з польопривреднїками присуствовал и предсидатель Дочасового орґану Општини Вербас Милан Ґлушац, котри як барз позитивне визначел же велька часц субвенцийох опредзелєна младшим польопривреднїком, цо тиж єден зоз способох за звекшованє занятосци у општини.
