БЕОҐРАД/СРИМСКА МИТРОВИЦА – Як Рутенпрес дознава од пароха у наших грекокатолїцких парохийох у Беоґрадзе и Сримскей Митровиц о. Владислава Варґу, крем на службох Божих у церквох, Квитна нєдзеля шветочно преславена и з провадзацима програмами.
Попри пошвецаня багнїткох, у Беоґрадзе присутни вирни на Служби по руски и по анґлийски повинчовали и треци родзени дзень своєй малей сопарохиянки Нори, а по Служби Олґица Радович у римокатолїцкей церкви Христа Царя орґанизовала виставу традицийних руских и українских пасхалних єдлох, як и писанкох и вишивкох.
Попри числених вирних, на вистави присуствовал и надвладика беоґрадски, митрополит Станислав Хочевар.
У Сримскей Митровици за дзеци у виронаучней сали отримана роботня писаня и фарбеня писанкох, як и демонстрация шицкого цо идзе до кошарки за Вельку ноц, а роботню водзели члени фамелиї Канюґа.
На саму Квитну нєдзелю у церкви було вельо вирних, як старших, так и дзеци.