КОЦУР – Всоботу, 21. юлия, у Суботици, у рамикох Спортских бавискох „Яша Баков”, одбавени Турнир у одбойки на писку.
На Турнир у одбойки на писку ше приявели шейсц екипи – домашнї Дружтво Руснацох Суботици, Руски културни центер (РКЦ) зоз Нового Саду, „Искра” зоз Коцура, Спортске дружтво (СД) „Русин” зоз Руского Керестура, „Миклошевци” зоз Републики Горватскей и „Папивинґ” д.о.о зоз Вербасу.
Найлєпши були одбойкаше РКЦ-у котри победзели у шицких пейцох змаганьох, друга була екипа СД „Русин” зоз Руского Керестура котра мала штири побиди и єдно страцене змаганє, Дружтво Руснацох Суботици, „Миклошевци” и „Папивинґ” мали по два побиди и три страцени змаганя, а остатня була „Искра” котра страцела шицки пейсц змаганя.
Шлїдуюци турнир у рамикох СБ „Яша Баков” будзе отримани у вельким фодбалу за сениорох 4-5. авґуста у Коцуре.
