СЕРБИЯ – Вчера, 11. новембра, у Сербиї було державне швето – Дзень примиря у Першей шветовей войни, котре на пригодни способ означене як у нашей жеми, так и у иножемстве.
Тото державне швето ше у нашей жеми преславює од 2012. року, як здогадованє на дзень капитулациї Нємецкей у Першей шветовей войни 1918. року. На тот дзень сили Антанти з Нємецку подписали примирє, з чим закончена Перша шветова война.
З нагоди швета представнїки Влади Сербиї на памятнїки погинутим у Першей шветовей войни положели венци, а з оглядом же швето падало внєдзелю, преноши ше на нєшкайши дзень, та є прето нєроботни.