ШИД – Вчера, 22. мая, на швето Преношеня мощох Св. оца Миколая означена слава Соборного храму Сербскей православней церкви, хтора ноши мено спомнутого защитнїка хтора источасно и слава городу.
Дополадня у Месней заєднїци отримани обряд пошвецаня славского колача хтори окончел паноцец СПЦ, а кума тогорочней слави була Славица Сремац, директорка ЯКП „Стандард”.
Тогорочни добитнїк „Святоникольского припознаня”, найвисшого городского припознаня, Веселин Вучкович, поета за дзеци, а плакету му придал др Крсто Куреш, предсидатель Дочасового цела МЗ Шид.
После програми у церкви служена Свята литурґия, а потим, по традициї, процесия прешла през централни городски улїци.
У порти церкви културно-уметнїцку програму отримало СКУД „Святи Сава”, а вечар пре шветом после вечаршого богослуженя тиж у церковней порти школяре основних и штреднїх школох отримали програму.
