РУСКИ КЕРЕСТУР – Школяре осмей класи ОШ „Петро Кузмяк”, як и шицки осмаки у Сербиї, вчера и нєшка покладаю пробни Закончуюци испит. Вчера мали пробни испит з математики, а нєшка з мацеринского/руского язика, и комбиновани з пейц предметох.
У керестурскей Школи пробни Закончуюци испит покладаю 42-йо школяре у порядней настави и двойо зоз специялного оддзелєня. Шицким то нагода упознац процедуру покладаня Закончуюцого испиту и превериц свойо знанє.
Пробни Закончуюци испит ше орґанизує и прето же би наставнїки, на основи резултатох хтори буду познати шлїдуюцого тижня, видзели хтори наставни єдинки зоз школярами треба доробиц и утвердзиц на пририхтуюцих годзинох за покладанє того испиту, хтори приноши главни боди за упис до штреднєй школи.