КОЦУР – Вчера, 4. мая, у Коцуре у Доме Култури отримана Рочна скупштина Добродзечного огньогасного дружтва (ДОД) Коцур, на котрей розпатрани 10 точки дньового шора.
Комисия ДОД Коцур дзепоєдних членох Дружтва наградзела зоз огньогаснима плакетами, а за златни значки огньогасного союзу Войводини предложени предсидатель Општини Вербас Милан Ґлушац и предсидатель Месней заєднїци Коцур Желько Бєлан, потим Зоран Докнич, Марко Армуш, Александар Суботин, Зоран Никчевич, Елемир Джуджар, Йована Лончаревич, Милан Рашета, Зоран Скубан, Мелания Живанович, Радослав Милутинович, Сека Лазич, Мирко Штрбац, Янко Хромиш, Предраґ Вулетич и Желько Видович.
За додзельованє плакети Огньогасного союзу Войводини предложени Янош Надьфеї и Владимир Орос.
За огньогасного официра и за златни криж за окремни заслуги предложени Златко Надьфеї. За орден ЙКВ Карадьордєвича и Томислава Карадьордєвича треци ступень предложени Саша Тодич,Роберт Бенце, Иван Бенце, Владимир Хромиш, Емин Надьфеї, Деян Будински, Дарко Мишич, Александар Хромиш и Милан Дукич.
На Скупштини, окрем номинацийох, присутним членом и симпатизером представени финансийни, и звит о роботи у прешлим року, як и плани котрим ма дружтво у наиходзацим периодзе.
На Рочней скупштини коцурского ДОД-у присутни були госци зоз сушедних ДОД-ох, професийни огньогасци зоз Вербасу, як и предсидателька Огньогасного союзу Войводини Любица Крняїч, потим координатор за перши огньогасни конґрес Мирко Илич, предсидатель ОВС Вербас Саво Ґркович, представителє Општини Вербас Предраґ Роєвич и Марян Миянович, як и Желько Бєлан предсидатель Месней заєднїци Коцур.
