Плаци опадли, а цени поросли

автор сен  фото маз
983 Опатрене

БЕОҐРАД – Зоз запровадзованьом мирох фискалней консолидациї, насампредз зоз зменшаньом буджетного дефициту и нєзанятосци, та звекшаньом проценту занятих – витворени условия за значни звекшаня плацох у Сербиї, оценєл Союз самостойних синдикатох Сербиї (СССС).

Як поведзене у сообщеню, Синдикат вимага ускладзованє росту стандарду з економским напредованьом, бо то нє лєм способ за зменшанє нєєднакосци и худобства, алє и средство за порушованє привредного росту и напредованя, з хторого шицки буду мац хасну.

СССС визначел же остатнї роки плаци зменшани, а цени поросли. Штредня плаца у 2016. року була 374 еври, а за основни животни артикли требало аж єдну и пол плацу.

– У одношеню на штреднї нето заробок у 2008. року (хтори бул 402 еври), плаца у 2016. року була за 6,27 одсто менша, а теди за купованє основних животних артиклох требало видвоїц 1,3 штреднєй плаци – наведол Синдикат у сообщеню.

ПОВЯЗАНИ ТЕКСТИ