КОЦУР – Понеже после предсидательних, у вербаскей општини 23. априла буду отримани и локални виберанки, виберанкова кампаня почала и у Коцуре.
Вчера, 24. марца, на коцурским пияцу були поставени промотивни штанди Сербскей напредней странки (СНС) и Руху Социялистох (РС).
Активисти СНС представяли свою програму и кандидатох за Скупштину општини Вербас, а РС того року перши раз самостойно виходза на локални виберанки.
Припаднїки РС на штанду зберали и подписи за инциятиву же би у Филияли Пензийно-инвалидского фонду у Вербаше робела Канцелария за експертизу, дзе би лїкаре препатрали за инвалидску комисию, цудзе допатранє и тїлесни очкодованя, прецо числени пензионере и инвалиди з вербаскей општини тераз муша исц до Нового Саду.