Почал одкуп паприґи на велько

автор маф
1.1k Опатрене

РУСКИ КЕРЕСТУР – Тогорочне оберанє паприґи у рускокерестурским хотаре почало початком прешлого тижня, кажди дзень ше преширює, а продукователє урожай буду предавац осмерим одкупйовачом. Одкупни цени подобни як и влонї, а род будзе преполовени.

Одкуп першей класи хторей того року нє будзе вельо, хвильково 50 динари, а кажди дзень цена падала з початних 75 динарох. За другу класу векшина одкупйовачох плаци коло 29 динари.

Паприґу ше за тераз одкупює у керестурских подприємствох „Изґлед” и „Те-пам”, футошкому „Маньо” прейґ заступнїка Аци Зарубици, як и директним одкупйовачом – „Дарком”, „Жуте дунє” и „Царска башта”, а початком идуцого тижня почнє одкуп и поштреднїк Иґор Варґа за фирму „Любовия”. З одкупом ище нє почала домашня Землєдїлска задруґа „Керестурска паприґа”, хтора у догваркох з вецей преробйовачами за цо лєпшу цену.

ПОВЯЗАНИ ТЕКСТИ