РУСКИ КЕРЕСТУР – Предсидатель Вивершного одбору Националного совиту Руснацох (НС) Желько Ковач вчера, 16. марца, у просторийох Совиту у Руским Керестуре бешедовал з представителями Дружтва за руски язик, литературу и културу з Нового Саду и Секциї Дружтва у Руским Керестуре.
У делеґациї Дружтва були др Юлиян Рамач, Владимир Салонски, Ирина Папуґа, Владимир Дудаш и Мария Дорошки, а на схадзки, хтору иницировало Дружтво, присуствовали и о.д. директора Заводу за културу войводянских Руснацох Ивана Дудаш и секретар НС Таня Арва Планчак.
Представителє Дружтва НС поинформовали о програмних активносцох Дружтва, конкурсох на початку 2017. року, о видаваню „Студиї Рутеники“, проблемох з хторима ше стрета у роботи, а НС-ту подаровали вецей прикладнїки своїх виданьох.
Представителє НС и Заводу дали потримовку за роботу Дружтва, а як поведзене, подобни сходи треба частейше отримовац и пре медзисобне детальнєйше информованє о роботи.