СРИМСКА МИТРОВИЦА/БЕОҐРАД – У грекокатолїцкей церкви у Сримскей Митровици нєшка, на Вельки штварток, на 18 годзин будзе Служба св. Василия Велького и читанє Страсцох Исусових, дознава Рутенпрес од пароха у Митровици о. Владислава Варґу.
Покладанє плащанїци до гроба, односно Исусово хованє на ютре, на Вельки пияток, будзе на 16 годзин, а коло гроба будзе стац младежска стража. На Вельку соботу Єрусалимска утриня („Плач Мацери Божей”) будзе на 10 годзин.
На нєдзелю, на Вельку ноц, Воскресна утриня и пошвецанє паскох у Митровици будзе на 5 годзин рано, а у филияли тей парохиї у Латярку Служба Божа и пошвецанє паскох на 9 годзин. На нєдзелю, на 11 годзин, у Митровици будзе и Служба Божа з мированьом.
У нашей парохиї у Беоґрадзе, дзе парох тиж о. Владислав Варґа, Воскресна утриня и Служба Божа з пошвецаньом паскох буду на соботу, 15. априла на 17 годзин (у каплїци у Вишеґрадскей 23).