Препатрунок механїзациї за викенд

автор мар
724 Опатрене

РУСКИ КЕРЕСТУР – Орґанизовани препатрунок механїзациї за наиходзацу жатву будзе на соботу 16. и нєдзелю 17. юния, кед компетентна комисия видзе на терен и будзе ходзиц по обисцох у Руским Керестуре.

На соботу 16. юния, члени Добродзечного огньогасного дружтва (ДОД) у Руским Керестуре отримаю схадзку на котрей будзе утвердзени розпорядок дежурствох, котри почню з початком жатви жита, а у жатви ярцу виостали пре нєвигодну финансийну ситуацию ДОД.

Ценовнїк по котрим ше будзе робиц остал нє пременєни у одношеню на прешли рок, та препатрунок комбайну кошта 1 500 динари, а трактора 500 цо ше окончує на терену. Огньогасни апарати мож принєсц на препатрунок до Огньогасного дому, дзе ше за препатрунок апарата типу С2 наплацує 1 300 динари.

Пре зменшаня ризику од огня у жатви, у складзе зоз Законом о защити од огня, Општина Кула принєсла забрану палєня сцернянки у хотаре, а за потупенє тей одлуки предвидзени пенєжни кари.

ПОВЯЗАНИ ТЕКСТИ