Розписана Явна поволанка за додзельованє средствох зоз Буджетского фонду

автор ядю
880 Опатрене

БЕОҐРАД – Министерство державней управи и локалней самоуправи вчера розписало Явну поволанку за додзельованє средствох зоз Буджетского фонду за финансованє програмох и проєктох з обласци информованя на язикох националних меншинох у 2018. року.

Министер державней управи и локалней самоуправи Бранко Ружич з тей нагоди виявел же за тот рок у Буджетским фонду обезпечени 21,8 милион динари.

-На унапредзеню положеня националних меншинох ше у Министерству досц роби. Пририхтали зме вименки предписаньох з котрима злєпшаме рамики за витворйованє правох националних меншинох, а з тим Фондом ше намагаме допринєсц унапредзеню информованя на язикох националних меншинох и програмох на язикох националних меншинох – виявел министер Ружич.

Конкурс отворени до 5. юния, а свойо проєкти можу послац установи, здруженя, фондациї, привредни дружтва и други орґанизациї чийо снователє национални совити националних меншинох, як и орґанизациї цивилного дружтва хтори маю шедзиско на териториї Републики Сербиї, а чия дїялносц защита и унапредзенє правох и положеня припаднїкох националних меншинох, як и фондациї и конференциї универзитетох, односно академийох фахових студийох.

Вецей о Конкурсу мож дознац на сайту https://mduls.gov.rs/konkurs-za-dodelu-sredstava-za-nsnm.php.

ПОВЯЗАНИ ТЕКСТИ