ДЮРДЬОВ – Руски народни театер „Петро Ризнич Дядя” зоз представу „Ковалє”, на соботу, 5. мая наступи у Културно-уметнїцким дружтве „Тарас Шевченко” у Дюрдьове на 20 годзин.
Представа ма характер комедиї котру штирочлени ґлумецки ансамбл удатно преноши на публику, дзекуюци добре водзеней режисерскей руки Владимира Надя Ачима, котри текст Милоша Николича преложел и прилагодзел керестурским ґлумцом.
Представа „Ковалє” уж знята за потреби Драмскей секциї Радио Нового Саду и Телевизиї Нови Сад, а окрем госцованя у Дюрдьове, планує ше одход и до других наших местох.