КОЦУР – У Руским доме у Коцуре, на 19 годзин, будзе отримани Литературно-музични вечар „Стретнуце зоз Славомиром Шантом”.
На програми, у литературней часци, будзе промоция Шантовей кнїжки любовней поезиї „Тебе гуторим”, котру нащивительом приблїжа млади коцурски рецитаторе – Мария Горняк, Катарина Ґайдош, Силвия Маґоч, Катарина Кулич, Мартина Ґайдош, Марко Буила. а участвовац будзе и шпивач Михал Иван Ниґер.
На видео-биму буду приказани авторски филми и фотоґрафиї з його живота, а потим будзе и розгварка з автором Шантом.
Нащивителє на уходзе, котри будзе шлєбодни, достаню на дарунок компакт диск зоз поезию Славомира Шанти. После програми будзе закуска.
Идейни инициятор Литературно-музичного вечара Силвия Маґоч.