КУЛА/РУСКИ КЕРЕСТУР – За виберанки за предсидателя Сербиї на нєдзелю, 2. априла, у кулскей општини буду отворени 40 виберацки места, а до виберацкого списку вєдно уписани 36 444 гласаче.
Найвецей виберацки места будзе у Кули – 15, потим у Червинки 14, у Сивцу 7, у Руским Керестуре 4, у Крущичу 2 и у Липару єдно виберацке место.
У Руским Керестуре до виберацкого списку за предсидательни виберанки уписани 4 054 гласаче, а годни гласац у просторийох Ловарского дружтва „Ярабица”, у Доме борцох и пензионерох, у просторийох ЯКП „Руском” (дакедишнїм будинку Месней заєднїци), як и у Замку, у учальнї Школи „Петро Кузмяк” (на фотоґрафиї).