НОВИ САД – У двацетим тогорочним чишлє новинох „Руске слово” рубрика „Тижньовнїк” читачох информує о отриманей Координациї националних совитох у Новим Пазаре и конституованю нового зволаня Скупштини општини Вербас, а на „Наших местох”, медзи иншим, зазначени успихи на РТС Кросу „През Сербию”, як и отверанє 84. Медзинародного польопривредного сайму.
„Економия” приноши текст о процивеню Керестурцох новому плану реорґанизациї „АБЦ ФУД”, а „Духовни живот” о Екуменским стретнуцу у Риме.
„Култура и просвита”, медзи иншим, пише о означованю 70-рочнїци снованя КУД „Петро Кузмяк” у Новим Орахове, а ту и упечатки студентох славистики з Польскей о нащиви нашим образовним, културним и вирским институцийом.
Рубрика „Людзе, роки, живот” представя младу и успишну пару Такачових зоз Норвежскей и Чордашову фамелию з Канади, а на бокох рубрики „Спорт”, попри резултатох змаганьох клубох з наших местох, зазначени и успих вербаских ґуґлашох у Першей войводянскей лиґи. Як додаток у тим чишлє „Литературне слово”