У новим „Руским слове”

автор ядю
1.1k Опатрене

НОВИ САД – У двацец штвартим тогорочним чишлє новинох „Руске слово” рубрика „Тижньовнїк” закончує напис о хаснованю руского язика у судских поступкох, а ту мож пречитац и звит зоз сходу „Вивланє: Войводина”, хтори отримани у Зомборе.

Рубрика „Нашо места”, медзи иншим, пише о схадзки Скупштини Општини Кула, приноши вистки з Коцура и Вербасу, як и зоз стретнуца добродзечних огньогасцох Войводини.

На „Економиї” текст о дїловним сотруднїцтве Сербиї и України, а месар Звонко Мудри з Дюрдьова поровнує дакедишнї и терашнї забивачки.

Рубрика „Култура и просвита” пише о випровадзаню маломатурантох у керестурскей, коцурскей и дюрдьовскей школи, о госцох зоз Земплинскей Теплици у наших крайох, а ту и текст о Фестивалє дзецинскей творчосци Руснацох Войводини „Веселинка”.

„Духовни живот” понука резултати анкети за паломнїкох котри прешлого тижня, на Завитни дзень, нащивели Водицу, як и вистку о нових першопричашнїкох у новосадскей парохиї.

„Мозаїк” преноши атмосферу з екскурзиї за младих до Словацкей, а „Людзе, роки, живот” читачох упознаваю з Наташу Надь, Канадянку по походзеню з Керестура, а котра тераз жиє у Нємецкей.

На бокох рубрики „Спорт” мож пречитац ретроспективу побиднїцкей сезони ФК „Искра” з Коцура, алє и о стану на концу сезони у дюрдьовским ФК „Бачка” и керестурским ФК „Русин”, як и о змаганю у лапаню риби на дуґов у Руским Керестуре. У тим чишлє додаток „Дом и фамелия”, дзе и нове предлуженє „Женоблоґиї”.

ПОВЯЗАНИ ТЕКСТИ