У Ґосподїнцох у юлию почнє робиц фабрика за преробок желєняви

автор зам
1.2k Опатрене

ҐОСПОДЇНЦИ – Часц фабрики за преробок желєняви фирми „Аґропродукт Срб” у Ґосподїнцох з роботу би мала почац у юлию того року, од єшенї и векша часц, а до половки идуцого рока и погон у хторим ше будзе и паковац готови продукт, гварел руководитель спомнутей фирми Синиша Мутич под час нащиви предсидателя општини Жабель Чедомира Божича будовалїщу новей фабрики початком того тижня.

4-Gospodjinci-02

Як пише портал општини Жабель, з початку фабрика будзе прерабяц огурки, познєйше и паприґу и капусту, як и  другу желєняву, а понеже дотераз преробок тей желєняви бул у Нємецкей, єдна фирма з тей жеми инвестує до вибудови фабрики „Аґропродукт Срб” у Ґосподїнцох и вредносц инвестициї коло 5 милиони еври, гварене под час нащиви Божича.

„Аґропродукт Срб” ма коло 1 500 кооперантох ширцом Сербиї, а пре нову фабрику, початного капацитету од 4 000 тони преробеней желєняви, тото партнерство сце и прешириц, гварел Мутич.

Предсидатель Општини Чедомир Божич визначел же ше после вецей як 30 роки у жабельскей општини будує таку вельку фабрику, як и важносц инвестициї за локалну самоуправу, бо нє лєм же у фабрики буду заняти жителє з местох општини, алє буду дїловац и як єй кооперанти.

4-Gospodjinci-03

 

 

ПОВЯЗАНИ ТЕКСТИ