Циркуларна економия як розвойна можлївосц

автор 021/мар
796 Опатрене

НОВИ САД – У Скупштини Войводини вчера отримана схадзка Желєней парламентарней ґрупи пошвецена промовованю циркуларней економиї, новому моделу економиї хторому циль поспишиц розвой привреди прейґ здружених економских потенциялох, з почитованьом стандардох защити животного штредку.

Вигодносци транзициї домашнєй привреди ґу такому економскому моделу, хтори функционує у Скандинавиї, вимага нови рамики за запровадзованє чистейшого способу продукциї и преробку, отримованє и обток продуктох з почитованьом строгих правилох защити животного штредку.

Заменїк шефа Мисиї ОЕБС-у у Сербиї Майкл Уєхара наглашел же тота орґанизация потримує таки концепт гуманей безпечносци.

Предсидателька Желєней парламентарней ґрупи у Скупштини Войводини Бранислава Єфтич (Желєна странка) гварела же тота ґрупа през рочни план ма обдумани числени активносци за защиту и унапредзенє стану у обласци животного штредку и отримуюцого розвою, насампредз през едукацию посланїкох, алє и орґанох на локалним уровню.

На схадзки представена терашня позиция Сербиї у тей обласци, односно законски рамики, їх прилагодзованє ґу стандардом ЕУ, представени обовязки з новей законскей реґулативи, стартеґийни цилї, виволаня и дотерашнї резултати, та и наступни крочаї.

ПОВЯЗАНИ ТЕКСТИ