НОВИ САД – У рамикох манифестациї Днї України у Новим Садзе, у Сербским народним театру у Новим Садзе на ютре, 21. мая, будзе програма з назву „Танєчни вернисаж”, на хторей участвую и танєчни ансамбли з наших местох.
„Танєчни вернисаж” на ютре почина на 19 годзин, а наступя ансамбли Дому култури Руски Керестур, КУД „Тарас Шевченко” з Дюрдьова, КУД „Жатва” з Коцура, КУД „Иван Сенюк” з Кули, ДНУК „Коломийка” зоз Сримскей Митровици” и Академске КУД „Соня Маринкович” з Нового Саду.
На пондзелок, 21. мая, у рамикох Дньох України у Сербским народним театру у Новим Садзе, тиж на 19 годзин, будзе Музични концерт на хторим участвую Хор Дому култури и Катедралней церкви св.о. Миколая з Руского Керестура, Хор КПД „Карпати” з Вербасу, Хор „Гармония” з Нового Саду, Хор „Пасторала” зоз Жаблю, шпиваче УКЦ „Кобзар” з Нового Саду, КУД „Иван Сенюк” з Кули и ДНУК „Коломийка” зоз Сримскей Митровици.
Почесни госц на Музичним концерту буду музичаре и шпиваче Львовскей филгармониї.